Protexin е компанија посветена на производство на иновативни производи со највисок квалитет, базирани на научни истражувања.
Нивното верување е дека природата е совршен извор на ефективни решенија за здравјето, но доколку она што ни го дава природата е прeмногу обработено тоа може да ја намали ефикасноста на препаратот. Заради тоа, развојот на сите производи на компанијата Protexin се води од начелото дека - науката и природата мора да бидат во рамнотежа. Во пракса тоа значи дека со години се истражуваат ефикасноста и безбедноста на додатоците во исхрана и пробиотските препарати кои ги произведува оваа компанија.

Во моментов, компанијата соработува со водечките универзитети, болници и истражувачки центри ширум светот. Производите од компанијата Protexin постојано се усовршуваат, но се задржува потенцијалот на нивното природно потекло. Фабриката во Сомерсет во Велика Британија е во сопственост на компанијата, која овозможува целосна контрола врз производните процеси. Сите производи подлежат на високи стандарди за производство и контрола на квалитет како фармацевтски производи, а фабриката поседува сертификати како: cGMP (MHRA), ISO 9001:2008, BETA NOPS. Секој сертификат подразбира редовни контроли од страна на надлежните органи, со што се обезбедува трајно одржување на стандардите за квалитет.